Recitation of the Qur'an in prison

 

قرآن پاک کی تلاوت نے زندگی بدل ڈالی، جیل کی کال کوٹھری سے دنیا بھر کی آنکھ کا تارا بننے والے کم عمر بچے کے اندر کیا خاص ہے؟ ویڈیو وائرل

بھوک انسان کی فطرت کا وہ المیہ ہے جو اس کو مختلف طریقوں سے آزماتی ہے۔ اس پیٹ کی خاطر اکثر اوقات حالات کا شکار ہو کر انسان ایسے جرائم بھی کر لیتا ہے جو کہ اس کی زندگی کو مسائل کا شکار کر دیتا ہے-   مگر یہی بھوک بعض اوقات زندگی کو کچھ بہتر کر گزرنے کا سبق بھی دے ڈالتی ہے ایسا ہی کچھ تین سالہ نفیس یعقوب کے ساتھ بھی ہوا جس نے اپنی دادی کے ساتھ بہتر زندگی کی خواہش میں تھائی لینڈ کی سرحد رات کے اندھیرے میں پار کی اور ملائشیا داخل ہو گیا-   جہاں پر بارہ سال تک چھپ کر زندگی گزاری اور چھوٹے موٹے کام کر کے اپنا اور اپنی دادی کا پیٹ بھرتا رہا لیکن ایک رات جب کھانا لینے کے لیے نکلا تو ملائشیا کی پولیس نے اس کو غیر قانونی تارکین وطن ہونے کے الزام میں گرفتار کر لیا اور اس کو سزا کے طور پر جیل میں ڈال دیا گیا-   جیل کے سخت ترین ماحول اور شدید موسم نے نفیس کو بھی سخت آزمائش میں مبتلا کر دیا یہاں تک کہ گرمی کی شدت کے سبب وہ اکثر قمیض بھی اتارنے پر مجبور ہو جاتے- لیکن وقت کو گزارنے کے لیے انہوں نے تلاوت کلام پاک میں زیادہ سے زيادہ وقت گزارنا شروع کر دیا- یک دن شدید گرمی میں قمیض اتار کر جب نفیس یعقوب تلاوت کلام پاک میں مصروف تھے تو ان کی خوش الحانی کے ساتھ تلاوت کی ویڈیو ایک محافظ نے بنا کر اس کو سوشل میڈیا پر شئير کر دیا جو کہ تیزی سے وائرل ہو گئی-   2015 میں وائرل ہونے والی جیل کی یہ ویڈیو راتوں رات ملائشیا کی سرحدوں سے پار ہو کر دنیا بھر کے مسلمانوں تک پہنچ گئی چند مہینوں کی جیل کے بعد جب نفیس یعقوب جیل سے نکلا تو وہ اب ایک عام بچہ نہ تھا بلکہ ایک مشہور انسان بن چکا تھا-   ملائشیا کی حکومت نے اس کو واپس تھائی لینڈ بھجوا دیا جہاں سے کچھ عرصے میں قانونی طور پر واپس آگئے اور اب نفیس یعقوب ایک غیر قانونی تارکین وطن نہ تھے بلکہ وہ ایک ایسے قاری بن چکے تھے جن کی قرآت کی ویڈیو سے لوگ اپنا تلفظ درست کرنے لگے-   ملائشین عوام کے پرزور مطالبہ تھا کہ نفیس یعقوب کو ملائشیا کی کسی بڑی مسجد کا پیش امام بنایا جائے ان کے اس مطالبے کو تسلیم کرتے ہوئے ان کو پیش امام کے طور پر فائز کر دیا گیا ۔ دنیا بھر کے مسلمانوں نے نفیس یعقوب کے لیے اپنی محبت کا اظہار قیمتی تحفوں کی صورت میں کیا جس نے نفیس یعقوب کی زندگی ہی بدل ڈالی-     ان تمام کامیابیوں نے نفیس یعقوب کی قرآن سے محبت کو اور بھی بڑھا دیا اور ان کا اپنا یو ٹیوب چینل موجود ہے جہاں پر قرآنی آیات کی تلاوت کی ویڈیوز لوگوں کے دلوں تک کو متاثر کر جاتی ہیں- اس کے علاوہ نفیس یعقوب ایک این جی او بھی چلا رہے ہیں جو کہ برما کے مسلمانوں کے حقوق اور ان کی بہتری کے لیے کام کرتی ہے-   بے شک اللہ تعالیٰ جس کو چاہتا ہے عزت دیتا ہے اور جو اس کی کتاب سے محبت کرتے ہیں ان سے اللہ بھی محبت فرماتا ہے-