World's Strange Hotels

کھانا کھاتے ہوئے اچانک کوئی چیز پاؤں سے لپٹ گئی، دنیا کے عجیب و غریب ہوٹل جہاں نظریں کھانے کے علاوہ اردگرد بھی رکھنی پڑتی ہیں

اگر آپ کو کسی ہوٹل میں کھانا کھانے جانا ہو تو کھانے کی لذت کے ساتھ ساتھ اس کے ماحول کے حوالے سے بھی اس بات کے خواہشمند ہوں گے کہ آپ کو وہاں ایسا ماحول ملے جہاں آپ کھانے کے ساتھ ساتھ انجوائے بھی کر سکتے ہیں۔ یہی وجہ ہے کہ مختلف ہوٹل اور ریسٹورنٹ کھانے کے ساتھ ساتھ اپنے ماحول کو سنوارنے پر بھی خصوصی توجہ دیتے ہیں- مگر گزشتہ کچھ عرصے سے لوگوں کی توجہ اپنی جانب مبذول رکھنے کے لیے مختلف تھیم بیس ہوٹل قائم کیے جا رہے ہیں جہاں پر کھانا اور ساری سجاوٹ کسی نہ کسی موضوع کی بنیاد پر ہوتی ہے اور اس تھیم کو پسند کرنے والے اور نت نئے تجربات کرنے والے لوگ وہاں جاتے ہیں ایسے ہی کچھ ہوٹلز کے بارے میں ہم آپ کو آج بتائيں گے-   سعودی عرب کا ڈرانے والا خوفناک ہوٹل کسی ہوٹل کے آسیب زدہ ہونے کے سبب اس کے گاہگوں کی تعداد کم ہونا شروع ہو جاتی ہے مگر سعودی عرب کے دارالحکومت ریاض میں شیڈو نامی ایک ایسے ریسٹورنٹ کا آغاز ہوا ہے جہاں پر کھوپڑی نما برتنوں میں خونخوار انداز میں بھوت اور زومبی کھانا پیش کرتے ہیں- اس کے علاوہ کسی بھی وقت کھانے کے دوران اچانک پیروں میں آکر بھوت لپٹ سکتے ہیں اور وقتاً فوقتاً خونخوار اور خطرناک بھیس میں لوگ آنے والے مہمانوں کو ڈرا ڈرا کر کھانا کھلاتے ہیں- ریسٹورنٹ کے مالک کا کہنا ہے کہ خصوصی طور پر ڈيزائن کردہ اس ریسٹورنٹ میں مختلف اداکاروں کو خصوصی تربیت دی گئی ہے کہ وہ آنے والے مہمانوں کو ڈرائيں- ان کا یہ بھی کہنا ہے کہ ان کا یہ ریسٹورنٹ روز بروز عوام میں مقبول ہو رہا ہے-   امریکہ کا ڈائنو سار ہوٹل ڈائنو سار ایک ایسا جانور ہے جو کہ بدلتے وقت کے ساتھ معدوم ہو چکا ہے مگر اس کے باوجود ہالی وڈ والوں نے اپنی فلموں کے ذریعے اس کو نہ صرف زندہ رکھا ہے بلکہ اس کے چاہنے والوں کی بھی ایک بڑی تعداد پیدا کرنے کا سبب بنے ہیں- ایسے ہی لوگوں کی محبت اور چاہت کو دیکھتے ہوئے امریکہ میں ڈینویر نامی ہوٹل بنایا گیا اس کے مالک نے اس ہوٹل کی سجاوٹ میں جگہ جگہ ڈائنو سار کے نقلی ڈھانچوں کا اور ماڈلز کا استعمال کیا ہے- جدید اور قدیم سجاوٹ کی امتزاج سے یہ ہوٹل اپنی مثال آپ ہے-   تائیوان کا ہیلو کٹی ہوٹل ہیلو کٹی ایک کارٹون کردار ہے جس کے چاہنے والوں کی بڑی تعداد دنیا بھر میں موجود ہے- تائیوان کے اندر ہیلو کٹی کی تھیم پر ہوٹل بنایا گیا ہے- اس ہوٹل کی سب سے خاص بات یہ ہے کہ اس ہوٹل کی دیواروں ، فرنیچر یہاں تک کہ برتنوں تک کو ہیلو کٹی کی تھیم پر ڈیزائن کیا گیا ہے اور اس ہوٹل میں جانے والوں کو ہر طرف گلابی رنگ کا ہیلو کٹی نظر آئے گی-   جاپان کا گوڈزیلا ہوٹل گوڈزیلا وہ ایک بہت ہی بڑا بن مانس نما ایک کردار ہے جاپان میں ایسا ہی ایک ہوٹل تعمیر کیا گیا ہے جہاں پر بارہ فٹ لمبا گوڈزیلا کا مجسمہ لگایا گیا ہے جو کہ اس ہوٹل کی چھ منزلوں سے دور سے نظر آتا ہے- اس کے علاوہ کمروں سے جگہ جگہ گوڈزیلا کے پنجوں کے نشان اور اس کی تصاویر بھی سجاوٹ کے لیے موجود ہیں- ایسے تمام ہوٹل اور ریسٹورنٹ ان تمام افراد کی دلچسپی اپنی جانب مبذول کرواتے ہیں جو ہر وقت کچھ نیا دیکھنے کے خواہشمند ہوتے ہیں-